Yesuvin Janame - യേശുവിൻ ജനമേ




യേശുവിൻ ജനമേ ഭയമെന്തിന്നകമേ
ലേശവും കലങ്ങേണ്ട
നാമവൻ ദാസരായ് വസിച്ചിടാം
ലോകത്തിലെന്തെല്ലാം ഭവിച്ചാലും അ അ
ആപത്തനർത്ഥങ്ങളണഞ്ഞാലും
താപം നമുക്കില്ലെന്നറിഞ്ഞാലും

സകലത്തിൻ ലാക്കും അധിപനുമവനാം
ഉലകത്തെ നിർമ്മിച്ചോനും
താണുവന്നുലകത്തിൽ കുരിശേറി അ അ
മാനവർക്കായ് മരിച്ചുയിർത്തേകി
ദാനമായ് രക്ഷ നരർക്കായി

മരണത്താൽ മാറുന്നധിപരിൻ പിമ്പേ
പോയവർ ലജ്ജിക്കുമ്പോൾ
നാമവൻ നാമത്തിൽ ജയ് വിളിക്കും
മരണത്തെ ജയിച്ചവൻ ജയവീരൻ അ അ
ശരണമായ് തീർന്നതെന്തൊരു ഭാഗ്യം
അവനെയനുഗമിപ്പതു യോഗ്യം

വേഗം ഞാനിനിയും വരുമെന്നു ചൊന്ന്
ലോകം വെടിഞ്ഞ നേതാ-
വേശു താനാരുമില്ലിതുപോലെ
നിത്യത മുഴുവൻ നിലനിൽക്കും അ അ
പ്രതിഫലം താൻ തരും നിർണ്ണയമായ്
അതിന്നായ് താൻ വരുമതിവേഗം

പോരുകൾ സഹിച്ചും വൈരിയെ ജയിച്ചും
പാരിതിൽ തിരുനാമം
ഘോഷിപ്പാൻ ചേരുവിനതിമോദം
ഭിന്നതവെടിയാമൊന്നാകാം അ അ
ഉന്നതചിന്തയോടുണർന്നിടാം
മന്നവനെ നമുക്കെതിരേൽക്കാം.


Songs Description: Malayalam Song Lyrics, Yesuvin Janame, യേശുവിൻ ജനമേ.
KeyWords: Malayalam Christian Song Lyrics, Yeshuvin Janame.

Yesuvin Janame - യേശുവിൻ ജനമേ thumbnail Reviewed by on May 29, 2021 Rating: 5

No comments:






All Rights Reserved by Lovely Christ - Lyrics © 2018 -
Designed by Allwin Benat

Thank you For Your Valuable Suggestions

Name

Email *

Message *

Powered by Blogger.